Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.52 ↓

EUR 62.09 ↑

24 март, Йома

Уфа   °

БДИ барышында аудиторияларҙың 75 проценты онлайн-күҙәтеү режимында эшләйәсәк

Йәмғиәт

ӨФӨ, 2016 йыл, 19 май. /«Башинформ» мәғлүмәт агентлығы, Эльмира Сабирова/.

Берҙәм дәүләт имтиханы ваҡытында Башҡортостанда аудиторияларҙың 75 проценты онлайн-күҙәтеү режимында эшләйәсәк. Был уҙған йыл менән сағыштырғанда 20 процентҡа күберәк, тип хәбәр итте республиканың мәғариф министры Гөлназ Шафиҡова киң мәғлүмәт саралары вәкилдәре менән түңәрәк өҫтәл барышында.

27 майҙа — 11 кластарҙа, 26-да туғыҙынсыларҙа дәүләт йомғаҡлау аттестацияһының төп этабы башлана.

«Имтихандар 22 июнгә тиклем дауам итә. Һуңынан етди сәбәптәр буйынса имтихан тапшыра алмаған уҡыусылар өсөн өҫтәмә этап башлана», — тине мәғариф ведомствоһы башлығы.

Берҙәм дәүләт имтиханы үтәсәк аудиторияларға ике күҙәтеү камераһы ҡуйылған. Имтихан барышында йәмәғәт күҙәтеүселәре лә эшләйәсәк.

Дәүләт имтихан комиссияһы вәкилдәре аудиторияларҙың БДИ-ға әҙерлеген тикшергән. Тәртип һаҡлаусылар, медицина хеҙмәткәрҙәре, белем биреү ойошмалары вәкилдәре өсөн урындар әҙерләнгән. Ойоштороусыларҙың барыһы ла уҡыуҙар үткән.

Быйыл республикала 36 692 туғыҙынсы һәм 20 842 ун беренсе класс уҡыусылары Төп дәүләт имтиханы һәм Берҙәм дәүләт имтиханы тапшыра.

Яндекс цитирования
Рейтинг ресурсов "УралWeb" -->
закрыть