3 декабрь, Шәмбе

19 май 2016 йыл, 14:10

Башҡортостанда көндәр йылыта

фото: Андрей Старостин

ӨФӨ, 2016 йыл, 19 май. /«Башинформ» мәғлүмәт агентлығы, Гөлфиә Акулова/. Башҡортостанда йылы көндәр башлана. Республика гидрометеорология һәм тирә-яҡ мөхит мониторингы идаралығы синоптиктары хәбәр итеүенсә, был аҙнала төбәктә йылы һауа торошо өҫтөнлөк итәсәк.

Һауа температураһы яйлап ҡына күтәреләсәк. Кесаҙна, 19 майҙа, төндә +5,+10 градус, көнсығыш райондарҙа ҡырау төшөүе, көндөҙ 19-24 градус йылы булыуы көтөлә. Алдағы көндәрҙә төндә +10, +15, көндөҙ +21, +26 градус. Урыны менән йәшенле ямғыр яуасаҡ. 20 һәм 21 майҙа ҡыҫҡа ваҡытлы йәшенле ямғыр яуыуы ихтимал.

Синоптиктар фаразлауынса, киләһе аҙнала һауа шарттары яҙғы баҫыу эштәрен тамамлау өсөн уңайлы буласаҡ.