3 декабрь, Шәмбе

19 май 2016 йыл, 9:55

Евгений Перевертайло «Өфө» футбол клубының баш тренеры вазифаһынан китте

 

ӨФӨ, 2016 йыл, 19 май. /«Башинформ» мәғлүмәт агентлығы, Дмитрий Слезин/. Премьер-лигала Рәсәй чемпионатының 29-сы тур уйынынан һуң Евгений Перевертайло «Өфө» футбол клубының баш тренеры вазифаһынан китте. Өфөләр Пермдең «Амкар» командаһынан 1:0 иҫәбе менән еңелде. Был хаҡта клубтың рәсми сайты хәбәр итә.

Быға футболсыларҙың уңышһыҙ сығыш яһауы сәбәпсе булды. Кисә клуб етәкселеге отставка тураһында ҡарар ҡабул итте.

Баш тренер вазифаһын башҡарыусы итеп Сергей Томарев тәғәйенләнде.

Евгений Перевертайло команданы 2015 йылдың 21 октябрендә ҡабул итте. Был вазифала ул Игорь Колывановты алмаштырҙы. Ул эшләгән ваҡытта өфөләр 17 уйын үткәрҙе, дүрт еңеү яуланы, һигеҙ тапҡыр отолдо, биш уйын тигеҙ иҫәп менән тамамланды.

21 майҙа беҙҙекеләр Мәскәүҙең «Спартак» командаһы менән уйнай.