11 декабрь, Йәкшәмбе

18 май 2016 йыл, 15:58

Башҡортостанда Күмертау енәйәтселәре ғүмерлеккә иркенән мәхрүм ителде

фото: Олег Яровиков

ӨФӨ, 2016 йыл, 18 май. /«Башинформ» мәғлүмәт агентлығы, Артур Басиров/. Башҡортостанда 24 йәшлек Сергей Букаевҡа һәм 22 йәшлек Константин Сурковҡа хөкөм ҡарары сығарылды. Улар «Үлтереү», «Көсләү», «Уғрылыҡ» һәм «Мөлкәткә зыян килтереү» статьялары буйынса енәйәт ҡылыуҙа ғәйепле тип танылды. Был хаҡта республика буйынса Тәфтиш комитеты хәбәр итә.

Былтыр 17 апрелдә Күмертау ҡалаһында хөкөм ителеүселәр биш танышын үлтерҙе һәм енәйәт эҙҙәрен йәшереү өсөн фатирҙы яндырҙы. Суд уларҙы ғүмерлеккә иркенән мәхрүм итте.