6 декабрь, Шишәмбе

29 апрель 2016 йыл, 17:28

Башҡортостан ауыл юлдарын төҙөү өсөн федераль бюджеттан яҡынса 268 миллион һум аҡса аласаҡ

фото: Олег Яровиков

ӨФӨ, 2016 йыл, 29 апрель. /«Башинформ» мәғлүмәт агентлығы, Галина Бахшиева/. Башҡортостан ауыл ерендә юлдар төҙөү һәм реконструкциялау өсөн федераль бюджеттан 267,6 миллион һум аҡса аласаҡ.

Дөйөм алғанда, Рәсәй Хөкүмәте ошо маҡсатҡа 6,8 миллиард һумдан ашыу аҡса бүлде. Төбәктәр аҡсаны дөйөм ҡулланылыштағы автомобиль селтәрҙәренән ауылдарҙағы мөһим объекттарға, шул иҫәптән ауыл хужалығы продукцияһын етештереү һәм эшкәртеү буйынса предприятиеларға илтеүсе юлдар төҙөүгә һәм ремонтлауға йүнәлтергә тейеш.

Финанслау 2013-2020 йылдарға ауыл хужалығын үҫтереү һәм ауыл хужалығы продукцияһы, сеймалы һәм аҙыҡ-түлек баҙарын көйләү дәүләт программаһы сиктәрендә башҡарыла.

Эксперттар иҫәпләүенсә, продукция етештереү һәм эшкәртеү объекттарына юлдар һалыу ауыл хужалығын үҫтереүгә ыңғай йоғонто яһаясаҡ.