9 декабрь, Йома

29 апрель 2016 йыл, 14:25

Төбәктә 63 мең һуғыш ветеранына Рәсәй Президентының Еңеү көнө менән ҡотлауы тапшырыла

фото: Башҡортостандың Федераль почта элемтәһе идаралығы

ӨФӨ, 2016 йыл, 29 апрель. /«Башинформ» мәғлүмәт агентлығы, Ольга Мортазина/. Башҡортостанда Еңеү көнө айҡанлы почтальондар 63 мең һуғыш ветеранына Рәсәй Президентының ҡотлауын тапшыра. Төбәктәргә ҡотлау хаттары барып еткән, тип хәбәр иттеләр Рәсәй почтаһының республика филиалында.

«Ҡотлауҙар 2-9 майҙа таратыласаҡ. Әгәр ветерандар күрһәтелгән адрес буйынса йәшәмәһә, почта Пенсия фонды менән берлектә мәғлүмәттәрҙең дөрөҫлөгөн тикшерәсәк һәм ҡотлау хаты яңы адресҡа ебәреләсәк. Ветеран өйҙә юҡ икән, хат бер ай почта бүлексәһендә һаҡлана», — тип хәбәр иттеләр почта идаралығында.