6 декабрь, Шишәмбе

26 апрель 2016 йыл, 11:38

Тәүлек эсендә Ағиҙел һәм Дим йылғалары 4 сантиметрға күтәрелгән, Ҡариҙелдең кимәле кәмей – Башгидромет

фото: Олег Яровиков

ӨФӨ, 2016 йыл, 26 апрель. /«Башинформ» мәғлүмәт агентлығы, Ғәлиә Нәбиева/. Өфө янындағы ике йылғаның кимәле күтәрелеүе дауам итә. Иртәнге сәғәт 8-гә баш ҡала эргәһендә Ағиҙелдең кимәле 756 сантиметр тәшкил иткән. Һуңғы һигеҙ сәғәт эсендә йылға 4 сантиметрға күтәрелгән, тип аңлатма бирҙеләр Башгидрометта. Бочкарёв ауылы янында Дим йылғаһы ла шунса уҡ артҡан. Уның кимәле 352 сантиметр тәшкил иткән.

Шакша биҫтәһендә Ҡариҙел ярҙарына ҡайта башлаған. Хәҙер уның кимәле 854 сантиметр тәшкил итә.

Өфө ҡалаһы янында Ағиҙел йылғаһы — 730-830, Шакша биҫтәһендә Ҡариҙел — 760-860, Бочкарёв ауылы эргәһендә Дим йылғаһы 580-680 сантиметрға күтәреләсәк тип көтөлә.

темалар: ташҡын