10 декабрь, Шәмбе

25 апрель 2016 йыл, 17:50

Мәшғүллек хеҙмәтендә һигеҙ мең өфөлө иҫәптә тора

фото: Олег Яровиков

ӨФӨ, 2016 йыл, 25 апрель. /«Башинформ» мәғлүмәт агентлығы, Галина Бахшиева/. Бөгөн Өфөләге мәшғүллек хеҙмәтендә һигеҙ мең кеше иҫәптә тора. Шуларҙың ете меңе — эшһеҙ.

Әлеге ваҡытта республиканың баш ҡалаһында 562 мең иҡтисади яҡтан әүҙем халыҡ йәшәй.

Өфөләге Халыҡ мәшғүллеге үҙәгендә хәбәр итеүҙәренсә, ҡаланың вакансиялар банкында 7,8 мең буш эш урыны хаҡында мәғлүмәт бар.

Хеҙмәт баҙарындағы көсөргәнешлек коэффициенты 1,03 тәшкил итә. Рәсми теркәлгән эшһеҙлек кимәле 1,26 процентҡа тиң, тип аңлатма бирҙеләр баш ҡаланың мәшғүллек хеҙмәтендә.