7 декабрь, Шаршамбы

22 апрель 2016 йыл, 12:19

Республиканың 18 районында сәсеү эштәре бара

 

ӨФӨ, 2016 йыл, 22 апрель. /«Башинформ» мәғлүмәт агентлығы, Галина Бахшиева/. Башҡортостандың 18 районы баҫыуҙарында сәсеү эштәре бара. Ауыл хужалығы министрлығының һуңғы мәғлүмәттәре буйынса, 21 мең гектар майҙанда яҙғы сәсеү башҡарылған, был билдәләнгән пландың бер проценты.

15 мең гектар майҙанда — яҙғы иген һәм ҡуҙаҡлы культуралар, 410 гектарҙа — шәкәр сөгөлдөрө, 3,6 мең гектарҙа көнбағыш сәселгән.

Әлеге мәлдә Ҡырмыҫҡалы районында — яҙғы иген һәм ҡуҙаҡлы культуралар, Мәләүездә — шәкәр сөгөлдөрө, Стәрлетамаҡ һәм Миәкә райондарында көнбағыш сәсеү юғары темпта бара.