Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.42

EUR 61.86

27 март, Дүшәмбе

Уфа   °

Силәбе өлкәһендә икенсе Башҡорт халыҡ ижады фестивале ойошторола

Мәҙәниәт

ӨФӨ, 2016 йыл, 20 апрель. /«Башинформ» мәғлүмәт агентлығы, Ләйлә Аралбаева/.

Силәбе өлкәһендә Башҡортостандың атҡаҙанған мәҙәниәт хеҙмәткәре Дарвин Хәйретдиновтың иҫтәлегенә бағышланған икенсе Башҡорт халыҡ ижады фестивале ойошторола. Сара 30 апрелдә Ҡоншаҡ районының Дружный ҡасабаһы Мәҙәниәт йортонда үтә.

«Фестивалде уҙғарыу урыны осраҡлы һайланмаған: Ҡоншаҡ районы – Көньяҡ Уралдағы башҡорт мәҙәниәтенең боронғо бишеге. Ошо төбәктең сағыу традициялары һәм мәҙәниәте һәр саҡ башҡорттарҙың йәшәү рәүешенең кәүҙәләнеше булды. 1934 йылға тиклем Ҡоншаҡ районы Башҡорт АССР-ы составына ингән», — тип хәбәр итте республиканың Силәбе өлкәһендәге вәкиллегенең матбуғат секретары Михаил Хәбиров.

Фестивалде ойоштороусыларҙың береһе Хабрахман Мансуров һүҙҙәренсә, сараны уҙғарыуҙың төп бурысы башҡорт халыҡ ижадының мәҙәни традицияларын һаҡлауға һәм популярлаштырыуға, шулай уҡ талантлы башҡарыусыларҙы эҙләүгә һәм уларға ярҙам итеүгә ҡайтып ҡала.

Дарвин Хәйретдинов һәләтле ойоштороусы, мәҙәниәт хеҙмәткәре, баянсы, режиссер, йырсы, оҙаҡ йылдар Дружный ҡасабаһы Мәҙәниәт йорто директоры булған. Башҡорт артисы Сүриә Ғималова үҙенең ижад юлын ошонда башлаған.

Яндекс цитирования
Рейтинг ресурсов "УралWeb" -->
закрыть