4 декабрь, Йәкшәмбе

01 апрель 2016 йыл, 10:39

Яҙғы саҡырылышта Рәсәйҙең Ҡораллы Көстәрен республикабыҙҙан биш меңдән ашыу кеше тулыландырасаҡ

фото: Олег Яровиков

ӨФӨ, 2016 йыл, 1 апрель. /«Башинформ» мәғлүмәт агентлығы, Ғәлиә Нәбиева/. 1 апрелдә Рәсәйҙә 1989-1998 йылда тыуған егеттәрҙе хәрби хеҙмәткә саҡырыу башланды. Яҙғы саҡырылыш «Оборона тураһында» һәм «Хәрби бурыс һәм хәрби хеҙмәт тураһында»ғы федераль закондарға ярашлы иғлан ителде.

Үҙәк хәрби округы штабы ҡушыуы буйынса быйыл яҙ Башҡортостандан 5300-ҙән ашыу кеше Ҡораллы Көстәр сафына алына.

18-27 йәшлек егеттәргә саҡырыу ҡағыҙын алып, йәшәгән урын буйынса хәрби комиссариат бүлектәренә килергә һәм саҡырылышҡа бәйле бөтә сараларҙы үтергә кәрәк.

Башҡортостанда саҡырылыш буйынса «ҡыҙыу линия» телефондары эшләй. Хәрби комиссариатта — (347) 228-02-92 (консультация-хоҡуҡ пункты — көн һайын иртәнге сәғәт 9-ҙан киске 6-ға тиклем), (347) 276-65-76 (юридик бүлек), (347) 253-13-48 (хәрби хеҙмәткә әҙерләү һәм саҡырыу бүлеге).

Өфө гарнизонындағы хәрби прокуратурала —  (347) 250-05-10 (Өфө гарнизоны прокуроры). Ашығыс психологик ярҙам — 8-800-7000-183.