11 декабрь, Йәкшәмбе

31 март 2016 йыл, 15:31

Төбәк аҙыҡ-түлек етештереүселәрен «Милләт һаулығы — Рәсәйҙең сәскә атыу нигеҙе» форумына саҡыралар

 

ӨФӨ, 2016 йыл, 31 март. /«Башинформ» мәғлүмәт агентлығы, Галина Бахшиева/. Төбәк аҙыҡ-түлек етештереүселәрен «Милләт һаулығы — Рәсәйҙең сәскә атыу нигеҙе» Х бөтә Рәсәй форумына саҡыралар. Сара 28-30 апрелдә Мәскәүҙә уҙа.

Форум сиктәрендә ҙур күргәҙмә программаһы ҡаралған. Башҡортостан Ауыл хужалығы министрлығының матбуғат хеҙмәтендә хәбәр итеүҙәренсә, аҙыҡ-түлек етештереүселәргә стенд ойошторорға тәҡдим ителә.

Сараның программаһы һаулыҡ һаҡлау, сәләмәт туҡланыу предприятиелары, социаль һәм демография сәйәсәте, мәҙәни ҡаҙанышты һәм тирә-йүнде һаҡлауҙың мөһим мәсьәләләре буйынса ғилми-ғәмәли конгрестар, конференциялар һәм түңәрәк өҫтәлдәр уҙғарыуҙы күҙ уңында тота.