3 декабрь, Шәмбе

30 март 2016 йыл, 13:07

Төбәктә Чернобыль АЭС-ында радиациянан зыян күреүселәр өсөн ҡыҙыу линия эшләйәсәк

фото: Олег Яровиков

ӨФӨ, 2016 йыл, 30 март. /«Башинформ» мәғлүмәт агентлығы, Гөлфиә Акулова/. 1 апрелдә иртәнге сәғәт 10-дан көндөҙгә 1-гә тиклем Башҡортостандың Хеҙмәт һәм халыҡты социаль яҡлау министрлығы радиациянан зыян күргән граждандарға социаль ярҙам күрһәтеүгә бәйле һорауҙар буйынса ҡыҙыу линия ойоштора.

Министрлыҡ һәм Республиканың халыҡҡа социаль ярҙам күрһәтеү үҙәге белгестәренә (347) 218-07-38  һәм (347) 282-46-81 телефондары буйынса мөрәжәғәт итергә мөмкин.

Ҡыҙыу линия иҫтәлекле дата алдынан ойошторола: 26 апрелдә Чернобыль АЭС-ында булған аварияға 30 йыл тула. Республикала йәшәүселәр техноген һәләкәт эҙемтәләрен бөтөрөүгә ҙур өлөш индерҙе. Төбәк Хөкүмәте атом энергетикаһы тарихындағы иң ҙур һәләкәткә арналған сараларҙы үткәреү планын раҫлаған.