8 декабрь, Кесе йома

28 март 2016 йыл, 15:50

«Татар ҡыҙы-2016» конкурсының төп титулын Эдельвейс исемле ҡыҙ яуланы

фото: https://vk.com/tatarkizi16

ӨФӨ, 2016 йыл, 28 март. /«Башинформ» мәғлүмәт агентлығы, Гөлфиә Акулова/. 26 мартта Өфө «Нур» татар дәүләт театрында «Татар ҡыҙы-2016» республика гүзәллек бәйгеһенең финалы уҙҙы. Унда Стәрлетамаҡтан, Туймазынан, Нефтекаманан, Дәүләкән, Федоровка, Ҡыйғы, Йәрмәкәй, Ҡырмыҫҡалы, Өфө райондарынан 12 һылыуҡай ҡатнашты.

Жюри ағзалары Федоровка районында тыуып үҫкән, әлеге көндә Салауат медицина училищеһында белем алған Эдельвейс Ихсанованы еңеүсе тип иғлан итте.

Матурлыҡ конкурсында ҡатнашыусыларҙан туған телен, милли ғөрөф-ғәҙәттәрҙе белеү талап ителде. Ҡыҙҙар тамашасылар һәм жюри алдында тышҡы ҡиәфәтен, вокаль һәм хореография оҫталығын күрһәтте.

«Татар ҡыҙы-2016» республика конкурсы 14-се тапҡыр уҙғарылды. Уның маҡсаты — милли мәҙәниәткә йәштәрҙең ҡыҙыҡһыныуын арттырыу, туған телгә һөйөү тәрбиәләү. Сараны ойоштороусы булып Башҡортостандың «Берлек» татар мәҙәни-ағартыу ойошмаһы сығыш яһаны.