8 декабрь, Кесе йома

28 март 2016 йыл, 15:09

«Башнефть» облигациялар программаһын раҫларға йыйына

 

ӨФӨ, 2016 йыл, 28 март. /«Башинформ» мәғлүмәт агентлығы, Олеся Серёгина/. «Башнефть» компанияһы биржа облигациялары һәм ҡиммәтле ҡағыҙҙар программаһын раҫлау тураһында мәсьәләне ҡараясаҡ. Был хаҡта, эмитент белдереүенә һылтанып, Rusbonds хәбәр итә. 31 мартта компания директорҙар советы йыйылышын үткәрә.

«Башнефть» һумлыҡ облигациялар баҙарына һуңғы тапҡыр былтыр июндә сыҡҡайны. Ул саҡта компания 5 миллиард һум күләмендәге БО-07 серияһындағы 10 йыллыҡ бондтарҙы урынлаштырҙы. Беренсе купондың ставкаһы йылына 12,1 процент күләмендә билдәләнде, 2-12-се купондарҙың ставкалары уға тиңләштерелде.

Әлеге ваҡытта компанияның 25 миллиард һумлыҡ биржа һәм 90 миллиард һумлыҡ һигеҙ классик облигацияларының дүрт сығарылышы әйләнештә йөрөй.