10 декабрь, Шәмбе

23 март 2016 йыл, 12:31

Төркиәнән боростар һәм гранаттар индереүгә сикләүҙәр ҡуйылды — Башҡортостан буйынса Россельхознадзор

 

ӨФӨ, 2016 йыл, 23 март. /«Башинформ» мәғлүмәт агентлығы, Галина Бахшиева/. Россельхознадзор Рәсәйгә, шул иҫәптән өсөнсө илдәр аша, Төркиәнән боростар һәм гранаттар индереүҙе ваҡытлыса сикләү тураһында ҡарар ҡабул итте. Сәбәбе — Рәсәйгә тыйылған үҫемлекселек продукцияһын килтереү. Боросҡа һәм гранаттарға ваҡытлыса сикләү 17 марттан ғәмәлгә инде.

Башҡортостан буйынса Россельхознадзор идаралығында аңлатыуҙарынса, ошо датаға тиклем тейәлгән борос һәм гранатты лабораторияла тикшергәндән һуң ғына Рәсәй биләмәһенә индерергә мөмкин.