9 декабрь, Йома

21 март 2016 йыл, 11:45

«Салауат Юлаев» Гагарин кубогының көнсығыш финалына сыҡты

фото: Олег Яровиков

ӨФӨ, 2016 йыл, 21 март. /«Башинформ» мәғлүмәт агентлығы, Дмитрий Слезин/. Омскиҙа Гагарин кубогы-2016 көнсығыш ярымфиналының хәл иткес уйыны тамамланды.

«Авангард» Өфөнөң «Салауат Юлаев» командаһынан еңелде.

Беренсе осор Омск хоккейсылары файҙаһына тамамланды — 1:0.

Икенсе осорҙа өфөләр ике шайба индерҙе. Тәүҙә Александр Соин иҫәпте тигеҙләне — 1:1, һуңынан Максим Майоров ҡунаҡтарҙы алға сығарҙы — 2:1.

Өфөләр серияла 4:3 иҫәбе менән еңде һәм Көнсығыш Конференцияһы финалында Магнитогорскиҙың «Металлург»ы менән осраша. Тәүге осрашыуҙар 23 һәм 25 мартта Магнитогорскиҙа уҙа.