5 декабрь, Дүшәмбе

18 март 2016 йыл, 11:49

Баш ҡала үҙәгендә транспорт хәрәкәте ваҡытлыса ябыла

фото: Олег Яровиков

ӨФӨ, 2016 йыл, 18 март. /«Башинформ» мәғлүмәт агентлығы, Ксения Калинина/. Өфө үҙәгендә транспорт хәрәкәте ваҡытлыса ябыла. Йома, 18 мартта, көндөҙгө сәғәт 2-нән киске 6-ға тиклем Зәки Вәлиди урамының бер өлөшөндә — Аксаков урамынан алып Мәжит Ғафури урамына тиклем хәрәкәт ваҡытлыса туҡтатыла.

Өфө хакимиәтенең матбуғат хеҙмәтендә хәбәр итеүҙәренсә, был саралар «Ҡырым беҙҙеке» тип аталған митинг-концертта ҡатнашыусыларҙың һәм юл хәрәкәте хәүефһеҙлеген тәьмин итеү маҡсатында ойошторола.

Автоһәүәҫкәрҙәргә маршрутты алдан билдәләргә кәңәш ителә.

«Башинформ» агентлығы хәбәр иткәнсә, бөгөн көндөҙгө сәғәт 4-тә республика халҡы үҙҙәренең гражданлыҡ позицияһын күрһәтеү һәм ярымутрауҙа йәшәүсе ватандаштарына теләктәшлек белдереү өсөн Конгресс-холл алдындағы майҙанға йыйыла.