10 декабрь, Шәмбе

17 март 2016 йыл, 11:08

Өфө нефть эшкәртеү заводында янғын сыҡты

фото: Олег Яровиков | видео: БашДТП

ӨФӨ, 2016 йыл, 17 март. /«Башинформ» мәғлүмәт агентлығы, Артур Басиров/. Кисә Өфөлә нефть эшкәртеү заводында янғын сыҡты. «Башнефть-Өфө нефть эшкәртеү заводы» филиалы биләмәһендәге тауар етештереү паркында дизель яғыулығы янды.

Республика буйынса Ғәҙәттән тыш хәлдәр министрлығы мәғлүмәттәре буйынса, киске сәғәт 12-се 11 минутта ут сығыуы тураһында хәбәр килә. Янғын һәм авария хеҙмәттәренең оператив эш итеүе һөҙөмтәһендә төнгө 1-се 18 минутҡа янғын һүндерелә. Ҡорбандар һәм зыян күреүселәр юҡ.

«Башнефть» компанияһының матбуғат хеҙмәте хәбәр итеүенсә, ваҡиға производстволағы эшкә йоғонто яһамаған. Уның сәбәптәрен асыҡлау өсөн комиссия төҙөлгән.