5 декабрь, Дүшәмбе

15 март 2016 йыл, 12:06

Рөстәм Хәмитов Стәрлетамаҡтағы йортта сыҡҡан янғын буйынса ашығыс кәңәшмә үткәрҙе

 

ӨФӨ, 2016 йыл, 15 март. /«Башинформ» мәғлүмәт агентлығы, Әлим Фәйезов/. 15 мартта Стәрлетамаҡта Башҡортостан Башлығы Рөстәм Хәмитов 12 кеше һәләк булған янғын урынында булды һәм ашығыс кәңәшмә үткәрҙе. Кәңәшмә йомғаҡтары буйынса оператив мәсьәләләрҙе хәл итеү өсөн координация штабы булдырылды, тип хәбәр иттеләр төбәк Башлығының матбуғат хеҙмәтендә.

15 мартта төндә Туҡаев урамында ике хужаға тәғәйенләнгән бер ҡатлы шәхси йортта янғын сыҡты. Янғын һүндерелгәндән һуң ике ҡатындың һәм ун ирҙең мәйете табылған. Әлеге ваҡытта полиция һәләк булыусыларҙың исемдәрен һәм янғын сәбәбен асыҡлай.

темалар: бр башлығы