10 декабрь, Шәмбе

11 март 2016 йыл, 10:09

Башҡортостанда эшкә һәләтле халыҡ өсөн йәшәү минимумы 8863 һум тәшкил итте

фото: Олег Яровиков

ӨФӨ, 2016 йыл, 11 март. /«Башинформ» мәғлүмәт агентлығы, Ксения Калинина/. Башҡортостан Хөкүмәте ҡарары менән 2015 йылдың IV кварталында халыҡтың йән башына йәшәү минимумы күләме билдәләнгән — 8 328 һум. Эшкә һәләтле халыҡ өсөн ул — 8 863, пенсионерҙарға — 6 801 һәм балаларға 8 313 һумға тиң.

Йәшәү минимумы дәүмәле квартал һайын төбәктә ҡулланыу кәрзине һәм Башстаттың аҙыҡ-түлеккә, башҡа тауарҙарға һәм хеҙмәттәргә ҡулланыу хаҡтары кимәле тураһындағы мәғлүмәттәре нигеҙендә билдәләнә.

«Башинформ» агентлығы хәбәр иткәнсә, 2015 йылдың III кварталында халыҡтың йән башына йәшәү минимумы 8 643 һум тәшкил иткән. Эшкә һәләтле халыҡ өсөн ул — 9 197, пенсионерҙарға — 7 037 һәм балаларға 8 653 һумға тиң.