Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.83 ↓

EUR 69.29 ↑

13 декабрь, Шаршамбы

Уфа   °

Төбәктә йәштәр форумын уҙғарырға әҙерләнәләр

Йәмғиәт

ӨФӨ, 2016 йыл, 10 март. /«Башинформ» мәғлүмәт агентлығы, Ләйлә Аралбаева/.

11 мартта Күмертау ҡалаһындағы Республика политехник лицей-интернатында йәштәр форумы уҙа. Унда йәмғиәт, спорт, дин, эшҡыуарлыҡ секциялары эшләйәсәк.

Форум барышында Күмертау башҡорт гимназияһында яҡын-тирәләге район йәштәре араһында волейбол буйынса турнир ойошторола. Ярыш легендар комбриг Муса Мортазиндың тыуыуына 125 йыл тулыуға арнала. Форум башҡорт эстрадаһының йәш йондоҙҙары ҡатнашлығындағы күңел асыу программаһы менән тамамлана.

«Ҡалабыҙҙа ошондай башҡорт йәштәре йыйыны тәүгә уҙғарыла. Ижади, спорт һөйөүсе йәштәр ҡыҙыҡлы һәм йөкмәткеле сығыштар әҙерләй», — тип хәбәр итте Күмертау хакимиәтенең социаль өлкәне үҫтереү, йәштәр сәйәсәте һәм спорт бүлеге етәксеһе Марат Ғилманов.

Форумды ойоштороусылар — Йәштәр советы, Бөтә донъя башҡорттары ҡоролтайының башҡарма комитеты, Башҡорт йәштәре союзы.

Яндекс цитирования
Рейтинг ресурсов "УралWeb"
закрыть