Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.92 ↑

EUR 70.37 ↑

16 август, Шаршамбы

Уфа   °

Республикала БДИ-ның төп этабында ҡатнашыусылар профилле математика, йәмғиәтте өйрәнеү һәм физика фәндәренә өҫтөнлөк бирә

Йәмғиәт

ӨФӨ, 2016 йыл, 2 март. /«Башинформ» мәғлүмәт агентлығы, Эльмира Сабирова/.

Башҡортостанда Берҙәм дәүләт имтиханында ҡатнашыусыларҙы теркәү йомғаҡтары буйынса профилле математика, йәмғиәтте өйрәнеү һәм физика фәндәре һайланма предметтар буйынса лидерҙар рәтендә.

Башҡортостан Мәғариф министрлығының дәүләт йомғаҡлау аттестацияһы һәм белем сифатын баһалау бүлеге етәксеһе Жанна Миникәева әйтеүенсә, имтихан тапшырыу өсөн яҡынса 20,5 мең самаһы кеше теркәлгән (19 мең самаһы уҡыусы быйыл мәктәп тамамлай).

14,5 меңдән ашыу кеше профилле математиканы һайлаған (71,7 процент; Рәсәйҙә — 71,3). Йәмғиәтте өйрәнеүгә 11 мең самаһы ҡатнашыусы ғариза биргән (52,8 процент; Рәсәйҙә — 59). Физика популярлыҡ буйынса өсөнсө урында — ете меңдән ашыу кеше (35,1 процент; Рәсәйҙә — 28).

Артабан биология (биш меңдән ашыу — 25,4 процент), тарих — (дүрт меңдән ашыу — 20,9 процент), химия (шулай уҡ дүрт меңдән артыҡ) килә.

Мотлаҡ предметтарға килгәндә, БДИ-ла ҡатнашыусыларҙың 100 проценты рус телен, 92,1 проценты база кимәлендәге математиканы һайлаған (Рәсәйҙә — 87 процент).

Быйыл республикала 100 имтихан ҡабул итеү пункты эшләйәсәк, өсәүһе — холоҡ төҙәтеү колонияһы биләмәһендә.

Берҙәм дәүләт имтиханының төп этабы 27 майҙа география һәм әҙәбиәттән башлана.

Теги: БДИ-2016
Яндекс цитирования
Рейтинг ресурсов "УралWeb"
закрыть