5 декабрь, Дүшәмбе

02 март 2016 йыл, 13:36

Башҡортостандың балалар һауыҡтырыу лагерҙары юлламалар йәрминкәһенә саҡыра

фото: Олег Яровиков

ӨФӨ, 2016 йыл, 2 март. /«Башинформ» мәғлүмәт агентлығы, Арина Рәхимҡолова/. Өфөлә балалар һауыҡтырыу лагерҙарына һәм шифаханаларға юлламалар йәрминкәһе уҙғарыла. Сараны ойоштороусы булып Башҡортостандың Профсоюздар федерацияһы сығыш яһаны. Уның төп маҡсаты — ата-әсәләргә һәм ойошма вәкилдәренә балаларҙың ялы һәм уларҙы һауыҡтырыу тураһында мәғлүмәт биреү, юллама алыуға килешеү төҙөү.

Ҡала яны балалар һауыҡтырыу лагерҙары, шифаханалар үҙҙәренең тәҡдимдәре менән таныштырасаҡ. Республика Профсоюздар федерацияһының матбуғат хеҙмәте билдәләүенсә, быйыл ҡала яны лагерында бер койка-урындың хаҡы 747 һумға тиклем артҡан (2015 йылда — 685 һум), шифаханала — 867 һум (былтыр — 795 һум).

Йәрминкә 18 мартта Башҡортостандың Профсоюздар йортонда ойошторола. Сара иртәнге сәғәт 11-ҙә башлана.