9 декабрь, Йома

01 март 2016 йыл, 14:53

Республика фермерҙарға грант биреү өсөн 139 миллион һумдан ашыу аҡса аласаҡ

 

ӨФӨ, 2016 йыл, 1 март. /«Башинформ» мәғлүмәт агентлығы, Ғәлиә Нәбиева/. Башҡортостанға 2016 йылда крәҫтиән һәм фермер хужалыҡтарын ойоштороу һәм үҫтереү өсөн грант биреүгә 139 миллион 787 мең һум субсидия бүленгән. 3,9 миллиард һумды Рәсәйҙең 79 субъекты араһында бүлеү тураһында тейешле бойороҡҡа Рәсәй Хөкүмәте Рәйесе Дмитрий Медведев ҡул ҡуйған.

Субсидиялар крәҫтиән (фермер) хужалығын ойоштороу һәм үҫтереүгә грант биреү, яңы эш башлаған фермерҙарға көнкүреш ҡорамалдары алыу өсөн бер тапҡыр бирелә торған ярҙам буйынса сығым йөкләмәләрен берлектә финанслауға бүленә.

Йыл һайын Рәсәй Ауыл хужалығы министрлығы субсидияларҙы файҙаланыуҙың һөҙөмтәлелеген баһалай.