5 декабрь, Дүшәмбе

01 март 2016 йыл, 9:47

Баш ҡалала ҡатын-ҡыҙҙар өсөн вакансиялар йәрминкәһе уҙғарыла

 

ӨФӨ, 2016 йыл, 1 март. /«Башинформ» мәғлүмәт агентлығы, Галина Бахшиева/. 2 мартта баш ҡалала ҡатын-ҡыҙҙар өсөн махсуслаштырылған вакансиялар йәрминкәһе уҙа. Уны ойоштороусы булып Өфө ҡалаһы Октябрь районының Халыҡ мәшғүллеге үҙәге сығыш яһай.

Өфөләргә балалар баҡсаһы тәрбиәсеһе, бухгалтер, хеҙмәтте һаҡлау буйынса инженер, физик культура буйынса инструктор, кондитер, шәфҡәт туташы, менеджер, төҙөлөштә бүлек етәксеһе, официант, ашнаҡсы, һатыусы, программист, икмәк бешереү производствоһы етәксеһе кеүек вакантлы урындар тәҡдим ителә.

Ҡатын-ҡыҙҙар өсөн вакансиялар йәрминкәһен уҙғарыу урыны: Рәсәй урамы, 108. Сара иртәнге сәғәт 10-да башлана.

Барлыҡ хеҙмәттәр ҙә бушлай күрһәтелә.