8 декабрь, Кесе йома

29 февраль 2016 йыл, 14:33

Быйыл төбәк аграрийҙары һөт малсылығын үҫтереүгә яҡынса 30 миллион һум аҡса аласаҡ

фото: Олег Яровиков

ӨФӨ, 2016 йыл, 29 февраль. /«Башинформ» мәғлүмәт агентлығы, Ксения Калинина/. 2016 йылда Башҡортостан һөт малсылығын үҫтереү өсөн ҡыҫҡа сроклы кредиттар буйынса процент ставкаһы өлөшөн ҡаплауға бәйле төбәктең сығым йөкләмәләрен берлектә финанслауға субсидия формаһында федераль бюджеттан 29 753,9 мең һум аласаҡ.

Тейешле бойороҡ Рәсәй Хөкүмәте сайтында баҫылған.

Документта 84 төбәккә 1,37 миллиард һум күләмендәге субсидиялар билдәләнгән.

Аҡса 2013-2020 йылдарҙа ауыл хужалығын үҫтереү һәм ауыл хужалығы продукцияһы, сеймал һәм аҙыҡ-түлек баҙарын көйләү дәүләт программаһы сиктәрендә бүленә.

Йыл һайын Рәсәй Ауыл хужалығы министрлығы субсидияларҙы файҙаланыуҙың һөҙөмтәлелеген баһалай.