9 декабрь, Йома

24 февраль 2016 йыл, 17:00

Төбәктә предприятиелар экологияға зыян килтергән өсөн бюджетҡа 400 миллион һумдан ашыу аҡса түләгән

 

ӨФӨ, 2016 йыл, 24 февраль. /«Башинформ» мәғлүмәт агентлығы, Ольга Мортазина/. Башҡортостан предприятиелары тирә-яҡ мөхиткә кире йоғонто өсөн түләү сифатында республика ҡаҙнаһына 400 миллион һумдан ашыу аҡса индергән, тип хәбәр итте йомғаҡлау коллегияһында Росприроднадзор идаралығы етәксеһе Юрий Дудников. Тағы ла 100 миллион һум самаһы федераль бюджетҡа йүнәлтелгән. Етәксенең мәғлүмәттәре буйынса, былтыр ведомсто эшмәкәрлегенең иҡтисади һөҙөмтәлелеге бюджеттан идаралыҡты тәьмин итеүгә сарыф ителгән һәр һумға 118 һум тәшкил иткән. Предприятиелар ведомство дәғүәләре һәм бойороҡтары буйынса тәбиғәтте һаҡлау сараларын ғәмәлгә ашырыуға 3,4 миллиард һум аҡса йүнәлткән.

«Теләһә ниндәй сәнәғәт етештереүе экологияға кире йоғонто яһай. Зыянды кәметергә генә мөмкин. Беҙ ошо йүнәлештә әүҙем эшләйбеҙ, тәбиғәтте һаҡлау проекттарына күп аҡса бүләбеҙ. Әммә һөҙөмтә тиҙ генә күренмәйәсәк, шулай ҙа яҡын киләсәктә мотлаҡ ыңғай үҙгәрештәр буласаҡ», — тине «Башнефть» компанияһы президенты Александр Корсик.