3 декабрь, Шәмбе

24 февраль 2016 йыл, 11:11

Төбәктә февралдең һуңғы аҙнаһы аномаль йылы һәм ямғырлы буласаҡ — Гидрометүҙәк

фото: Олег Яровиков

ӨФӨ, 2016 йыл, 24 февраль. /«Башинформ» мәғлүмәт агентлығы, Ғәлиә Нәбиева/. Башҡортостанда февралдең һуңғы аҙнаһында аномаль йылы һауа торошо көтөлә. Рәсәй Гидрометүҙәге мәғлүмәттәре буйынса, уртаса температура уртаса күп йыллыҡ кимәлдән һигеҙ градусҡа юғарыраҡ буласаҡ.

Был аҙнала тотороҡһоҙ һауа торошо көтөлә, тип хәбәр итә Башгидромет. Аҙна уртаһында республикала һауа температураһы күтәреләсәк.

25 февралдә ямғыр яуыуы ихтимал. 26 февралдә һауа торошо ҡырҡа үҙгәрәсәк. Республикаға яуым-төшөмлө циклон киләсәк. Аҙна аҙағында һауа температураһы түбәнәйәсәк.