6 декабрь, Шишәмбе

24 февраль 2016 йыл, 9:53

Николай Красников Европа чемпионы титулын яуланы

фото: Георгий Шишкин

ӨФӨ, 2016 йыл, 24 февраль. /«Башинформ» мәғлүмәт агентлығы, Георгий Шишкин/. Боҙҙағы мотоуҙыш буйынса Европа чемпионаты Башҡортостан өсөн еңеү менән тамамланды. Күп тапҡыр донъя һәм Рәсәй чемпионы Николай Красников Европа чемпионы исеменә лайыҡ булды.

Юниорҙар араһында Стәрлетамаҡтан быйылғы Рәсәй чемпионы Дмитрий Солянников та финалдың икенсе көнөндә уңышлы сығыш яһаны. Ул көмөш миҙал яуланы. Өсөнсө урында — Австриянан Харальд Симон.