9 декабрь, Йома

19 февраль 2016 йыл, 16:29

Баш ҡаланың 21-се дауаханаһы — Рәсәйҙең иң яҡшы биш медицина учреждениеһы иҫәбендә

фото: Андрей Старостин

ӨФӨ, 2016 йыл, 19 февраль. /«Башинформ» мәғлүмәт агентлығы, Эльмира Сабирова/. Өфөнөң 21-се клиник дауаханаһы Рәсәйҙең иң яҡшы биш дәүләт медицина учреждениеһы иҫәбенә инде — ул рейтингта бишенсе урынды биләне, тип хәбәр итә Yell.ru баһалар һәм тәҡдимдәр сервисы.

Эксперттар ҡулланыусыларҙың баһаһы буйынса илебеҙ ҡалаларындағы дауаханалар һәм поликлиникалар рейтингын төҙөгән. Бөтәһе 65 ҡала һайлап алынған. Рейтингка 20-һе генә эләккән, әммә Мәскәүҙең медицина учреждениелары исемлектә юҡ.

Краснодар крайының профессор Очаповский исемендәге 1-се клиник дауаханаһы беренсе урынды алды. Икенсе урында — Санкт-Петербургтың Соколов исемендәге 122-се клиник дауаханаһы, өсөнсөлә — Һарытауҙың Миротворцев исемендәге клиник дауаханаһы. Тольятти ҡалаһының 3-сө клиник поликлиникаһы дүртенсе урынды биләне.