11 декабрь, Йәкшәмбе

17 февраль 2016 йыл, 17:34

Өфөгә ШОС һәм БРИКС саммиттарының брендбугы тапшырылды

фото: Олег Яровиков

ӨФӨ, 2016 йыл, 17 февраль. /«Башинформ» мәғлүмәт агентлығы, Ксения Калинина/. Өфө 2015 йылда уҙған ШОС һәм БРИКС саммиттарының брендбугын алды. Башҡортостанға халыҡ-ара саралар дизайнын бушлай тапшырыу тураһында Рәсәй Президенты советнигы Антон Кобяков брифингта хәбәр итте.

«Стилистика башҡорттарҙың милли биҙәктәренә нигеҙләнгән. Традицион биҙәктең һүрәте камиллаштырылды. Был иһә стилгә баҙыҡлыҡ һәм актуаллек өҫтәне. Ул республиканың дәүләт флагы төҫтәренә буялған», — тип билдәләне дизайнерҙар.

«Өфө-2015» ШОС БРИКС офис-төркөмөндә хәбәр итеүҙәренсә, ошо стиль ҡунаҡтарҙың, ҡатнашыусыларҙың һәм журналистарҙың йәшәгән, эшләгән урынын биҙәгәндә ҡулланылды. Өфөнөң художестволы образы донъя кимәлендә танылыу яуланы.