3 декабрь, Шәмбе

17 февраль 2016 йыл, 15:50

Төбәктә шифаханалар, ҡунаҡханалар һәм туроператорҙар керемде 18 процентҡа арттырған

 

ӨФӨ, 2016 йыл, 17 февраль. /«Башинформ» мәғлүмәт агентлығы, Ольга Мортазина/. Былтыр Башҡортостанда шифаханалар, ҡунаҡханалар һәм туристик ойошмалар керемде 18 процентҡа арттырып, 15,2 миллиард һумлыҡ хеҙмәттәр күрһәткән (2014 йыл менән сағыштырғанда). Туристик хеҙмәттәрҙең өлөшө 37,3 процент, шифахана-һауыҡтырыу — 31 процент, ҡунаҡхана хеҙмәттәре 31,7 процент тәшкил итә.

Башҡортостандың Эшҡыуарлыҡ һәм туризм буйынса дәүләт комитетының йомғаҡлау коллегияһында ошондай мәғлүмәт яңғыраны. Был шифаханаларҙан һатып алынған юлламаларҙан тыш, эске туризм һәм ял һөҙөмтәләре, тип асыҡлыҡ индерҙеләр ведомствола.

темалар: туризм