4 декабрь, Йәкшәмбе

17 февраль 2016 йыл, 14:40

Өфөлә яҙғы ташҡын мәлендә һыу баҫыу ҡурҡынысы янаған урындар билдәләнде

фото: Олег Яровиков

ӨФӨ, 2016 йыл, 17 февраль. /«Башинформ» мәғлүмәт агентлығы, Ксения Калинина/. 17 февралдә Өфө муниципалитетында яҙғы ташҡын мәлендә һыу баҫыу ҡурҡынысы янаған урындар билдәләнде. Улар — Кооператив яланы, Нижегородка, Затон, Кузнецов затоны, шулай уҡ Дим районының Романовка һәм Ленин районы Козарез урамы араһында автомобиль юлы.

Бөгөн үк баш ҡалала иҫкәртеү эштәре алып барыла. Ташҡынға ҡаршы 18 штаб, 12 күҙәтеү посы һәм алты мең кешегә иҫәпләнгән 50 пункт асыу ҡарала. Райондарҙы яҙғы ташҡынға әҙерләү буйынса күнекмәләр 10 марттан башлана.

темалар: ташҡын