5 декабрь, Дүшәмбе

12 февраль 2016 йыл, 9:43

Өфөлә ЮХХДИ хеҙмәткәрҙәре бурыслыларҙы асыҡлай

фото: Олег Яровиков

ӨФӨ, 2016 йыл, 12 февраль. /«Башинформ» мәғлүмәт агентлығы, Артур Басиров/. Өфөлә «Бурыслы» операцияһы башланды. Дәүләт автоинспекцияһы хеҙмәткәрҙәре юл хәрәкәте хәүефһеҙлеген тәьмин итеү өлкәһендә хоҡуҡ боҙған өсөн административ штраф түләмәүселәрҙе асыҡлау һәм уларҙы яуаплылыҡҡа тарттырыу буйынса саралар уҙғара.

«Штраф ҡарар үҙ көсөнә ингәндән һуң 60 көн эсендә түләнергә тейеш. Түләмәүселәр административ яуаплылыҡҡа тарттырыла», — тип хәбәр итә Юл хәрәкәте хәүефһеҙлеге дәүләт инспекцияһы идаралығының матбуғат хеҙмәте.

«Бурыслы» операцияһы 19 февралгә тиклем дауам итә.