10 декабрь, Шәмбе

10 февраль 2016 йыл, 17:07

Башҡортостанда ҡала халҡы 3000-дән ашыу кешегә артҡан

фото: ав

ӨФӨ, 2016 йыл, 10 февраль. /«Башинформ» мәғлүмәт агентлығы, Ксения Калинина/. Башҡортостанстат мәғлүмәттәре буйынса, ошо йылдың 1 ғинуарына республика халҡының һаны яҡынса 4 071 181 кеше тәшкил иткән. Былтырғы ошо уҡ осор менән сағыштырғанда 806 кешегә кәмегән (0,2 процентҡа).

2015 йылғы йомғаҡтар буйынса республика ауылда халыҡ күберәк йәшәгән төбәк булып ҡала. Статистиктар иҫәпләүенсә, 2 515,3 мең кеше (61,8 процент) ҡалала һәм 1 555,9 меңе (38,2 процент) ауылда йәшәй. Былтыр 3387 кеше ҡалаға күскән, ауылда йәшәүселәр 4193 кешегә кәмегән.

«Башинформ» агентлығы хәбәр иткәнсә, халыҡ һаны буйынса Башҡортостан Волга буйы федераль округында беренсе урында, икенселә — Татарстан (3 868 537 кеше), өсөнсөлә — Нижегород өлкәһе (3 258 645).

темалар: башстат, халыҡ