3 декабрь, Шәмбе

08 февраль 2016 йыл, 14:04

Республикала социаль бизнесты алып барыу үҙенсәлектәре тикшереләсәк

 

ӨФӨ, 2016 йыл, 8 февраль. /«Башинформ» мәғлүмәт агентлығы, Ольга Мортазина/. 11 февралдә — Мәләүездә, 12-дә Өфөлә Социаль эшҡыуарлыҡ буйынса форум уҙғарыла. Ул эшҡыуарҙарҙы туплау һәм социаль йүнәлешле бизнес өлкәһендә тәжрибә алмашыу өсөн майҙансыҡ булараҡ уйланылған, тип хәбәр иттеләр Башҡортостандың Социаль өлкә инновациялары үҙәгендә. Саралар республиканың Эшҡыуарлыҡ һәм туризм буйынса дәүләт комитеты ярҙамы менән ойошторола.

Форум сиктәрендә социаль проекттарҙы тормошҡа ашырғанда финанслау мәсьәләләре, франчайзинг мехнизмдарын файҙаланыу, йәмәғәт фондтары менән үҙ-ара эш итеү мөмкинлектәре ҡараласаҡ. Мәскәү, Төмән, Пермь, Өфө эшҡыуарҙары һәм эксперттары үҙ тәжрибәләре менән уртаҡлашасаҡ. Улар социаль эшҡыуарлыҡ менән шөғөлләнергә ниәтләүселәр өсөн шәхси консультациялар уҙғарасаҡ.

«Социаль бизнес иң киҫкен проблемаларҙы хәл итеүҙә — инвалидтарҙы, балалар йорттарын тамамлаусыларҙы, ауыр тормош хәлендә ҡалыусыларҙы эшкә урынлаштырыуҙа ярҙам күрһәтә. Шәхси эшҡыуарлыҡ башланғыстары ярҙамында социаль хеҙмәттәрҙең сифатын күтәрергә мөмкин», — тип билдәләнеләр ойоштороусылар.