8 декабрь, Кесе йома

27 ғинуар 2016 йыл, 14:02

Мәскәүҙә «Боронғо Рәсәй» күргәҙмәһенә Өфө фотографтарының эштәре ҡуйылған

 

ӨФӨ, 2016 йыл, 27 ғинуар. /«Башинформ» мәғлүмәт агентлығы, Ләйлә Аралбаева/. Мәскәүҙәге Рәссамдарҙың үҙәк йортонда «Боронғо Рәсәй» күргәҙмәһе асылды. III Дөйөм Рәсәй фестивалендә Өфөнән дүрт фотограф — Андрей Пестрецов, Рәмил Йосопов, Олег Меньков һәм Андрей Коротнев үҙҙәренең эштәрен тәҡдим итә. Экспозицияла Башҡортостан тәбиғәтенең матурлығын сағылдырған ете ижади эш урын алған.

Рәсәй тәбиғәтенә арналған фотокүргәҙмә фестиваль майҙансығында төп урынды биләй. Күргәҙмәгә Байкалда, Ҡалмыҡстанда, Соловецк утрауҙарында, Алтайҙа һәм Арктикала төшөрөлгән фотоһүрәттәр ҡуйылған. Быйыл ойоштороусылар Волга йылғаһына ҙур иғтибар бүлгән. Фестивалдең абруйлы ҡунаҡтары — Рәсәйҙең мәҙәниәт министры Владимир Мединский, Федерация Советы башлығы Валентина Матвиенко ҡатнашыусыларҙың һөнәри кимәле юғары булыуын билдәләне.

Күргәҙмә 25 февралгә тиклем эшләй.

темалар: күргәҙмә