4 декабрь, Йәкшәмбе

25 ғинуар 2016 йыл, 14:12

Өфө нефть техник университеты терәк вуздар исемлегенә инде

фото: Олег Яровиков

ӨФӨ, 2016 йыл, 25 ғинуар. /«Башинформ» мәғлүмәт агентлығы, Эльмира Сабирова/. Өфө дәүләт нефть техник университеты илдә терәк университеттар булдырыласаҡ тәүге 11 юғары уҡыу йорто исемлегенә инде.

Нефть университетынан тыш, еңеүселәр иҫәбендә Кострома технологик, Төмән нефть һәм газ, Себер аэрокосмик университеттары, Дон, Волгоград, Воронеж, Омск һәм Һамар техник университеттары, шулай уҡ Вятка дәүләт университеты һәм Тургенев исемендәге Орел университеты бар.

Һайлап алынған вуздар алдағы өс айҙа Рәсәй Мәғариф һәм фән министрлығына биш йылға үҫеш программаһын тапшырырға тейеш, тип билдәләнә министрлыҡтың ҡарарында.