Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.65 ↓

EUR 69.07 ↑

23 сентябрь, Шәмбе

Уфа   °

«Бөтә Өфө» телеканалының репортажы «Киң мәғлүмәт саралары сағылышындағы ҡала-2015» халыҡ-ара конкурсында еңеү яуланы

Йәмғиәт

ӨФӨ, 2016 йыл, 21 ғинуар. /«Башинформ» мәғлүмәт агентлығы, Сергей Захаров/.

«Бөтә Өфө» телеканалының репортажы «Киң мәғлүмәт саралары сағылышындағы ҡала-2015» халыҡ-ара конкурсы еңеүселәре иҫәбенә инде. Светлана Нәзирова менән Руслан Аҡбашевтың «Визит в Поднебесную: Уфа-Цицикар-Шэньян» исемле фильмы «Евразия иҡтисади союзы: беренсе йыл. Халыҡ-ара хеҙмәттәшлек үҫеше тәжрибәһе һәм мөмкинлектәре» номинацияһында билдәләнде.  

«Ошо халыҡ-ара награда беҙҙең өсөн үтә мөһим, сөнки был — һөнәри эшмәкәрлегебеҙгә генә түгел, былтыр йәй баш ҡалабыҙҙа донъяуи сара ойошторған ҙур команданың эшенә баһа», — тине «Бөтә Өфө» телекомпанияһы директоры Алина Сөләймәнова.

27 ғинуарҙа Мәскәүҙә «Ҡалаларҙың Евразия иҡтисади союзына инеүе шарттарында киң коммуникация сараларының роле» халыҡ-ара ғилми-ғәмәли конференцияһы сиктәрендә бүләкләү тантанаһы уҙа.

Белешмә. «Киң мәғлүмәт саралары сағылышындағы ҡала» тип аталған дүртенсе конкурс «Мегаполис: ХХI быуат» халыҡ-ара форумы барышында үткәрелде. Сараны Бойондороҡһоҙ Дәүләттәр Берләшмәһенең башҡарма комитеты, Дәүләт Думаһы, Дөйөм Рәсәй Муниципаль берәмектәр конгресы, Бөтә Рәсәй Урындағы үҙидара советы менән берлектә Баш ҡалалар һәм ҙур ҡалаларҙың халыҡ-ара ассамблеяһы ойошторҙо.

Яндекс цитирования
Рейтинг ресурсов "УралWeb"
закрыть