5 декабрь, Дүшәмбе

19 ғинуар 2016 йыл, 17:32

Ҡотҡарыусылар төбәктә дауыл буласағы хаҡында иҫкәртә

фото: Олег Яровиков

ӨФӨ, 2016 йыл, 19 ғинуар. /«Башинформ» мәғлүмәт агентлығы, Артур Басиров/. Ҡотҡарыусылар төбәктә дауыл буласағы хаҡында иҫкәртә. 19 ғинуарҙан 20-нә ҡарай республиканың көньяғында елдең көсәйеүе көтөлә, тип хәбәр итә Ғәҙәттән тыш хәлдәр министрлығының Башҡортостан буйынса баш идаралығы, Башгидрометҡа һылтанып.

Ел секундына 20-25 метрға тиклем көсәйәсәк. Буран сығасаҡ, ҡайһы бер юл участкаларында — ҡар һырынтылары. Ошондай ҡатмарлы һауа шарттарына бәйле электр тапшырыу линияларының өҙөлөүе, насар нығытылған ҡоролмаларҙың емерелеүе, юл-транспорт ваҡиғаларының булыуы ихтимал.