3 декабрь, Шәмбе

15 ғинуар 2016 йыл, 15:14

Ял көндәрендә республикала һалҡынайта, әммә яуым-төшөм аҙ буласаҡ

фото: Олег Яровиков

ӨФӨ, 2016 йыл, 15 ғинуар. /«Башинформ» мәғлүмәт агентлығы, Эльмира Сабирова/. Ял көндәрендә Башҡортостанда көндәр һалҡынайта, әммә яуым-төшөм аҙ буласаҡ. Республиканың гидрометеорология һәм тирә-яҡ мөхит мониторингы идаралығы мәғлүмәттәренә ярашлы, шәмбе һәм йәкшәмбелә бер аҙ ҡар яуыуы көтөлә. 16 ғинуарҙа һауа температураһы төндә -9,-14 градус тәшкил итәсәк, аяҙайтҡанда -20 градусҡа тиклем, көндөҙ -8,-13. Ел төньяҡ-көнбайыштан, талғын.

17 ғинуарҙа еңелсә буран сығыуы ихтимал. Ел йүнәлешен үҙгәртеүсән. Төндә термометр бағанаһы -15,-20 градусҡаса төшәсәк, аяҙайтҡанда -25, көндөҙ -7,-12, көнсығышта -16 градусҡа тиклем.

Ғәҙәттән тыш хәлдәр министрлығының республика буйынса идаралығы был көндәрҙә алыҫ юлға сыҡмаҫҡа кәңәш итә.

темалар: һауа торошо