3 декабрь, Шәмбе

31 декабрь 2015 йыл, 12:04

Яңы йыл төнөндә Башҡортостанда 33 градусҡаса һыуытасаҡ

фото: Олег Яровиков

ӨФӨ, 2015 йыл, 31 декабрь. /«Башинформ» мәғлүмәт агентлығы, Гөлфиә Акулова/. Яңы йыл төнөндә Башҡортостанда 33 градусҡаса һыуытасаҡ. Республиканың гидрометеорология һәм тирә-яҡ мөхит мониторингы идаралығы мәғлүмәттәре буйынса, һыуыҡтар төбәк биләмәһендәге антициклонға бәйле.

31 декабрҙә көндөҙ 17-22 градус һалҡын буласаҡ, тип вәғәҙәләй синоптиктар. Төндә 19-24, аяҙайтҡанда 28-33 градусҡаса һыуытасаҡ. Урыны менән бер аҙ ҡар яуасаҡ.

1 ғинуарҙа көндөҙ 18-23, төндә 21-26 градус һыуыҡ. «Һалҡын температура Яңы йыл каникулдары уртаһына тиклем һаҡланасаҡ. 5 ғинуарҙа ҡар яуыуы, республиканың көньяғында еңелсә буран сығыуы көтөлә. Һауа температураһы 15 градусҡаса күтәреләсәк», — тип хәбәр итте Башгидрометтың матбуғат секретары Елена Орлова.