6 декабрь, Шишәмбе

30 декабрь 2015 йыл, 19:23

«Башнефть» «Салауат Юлаев»ҡа ике миллиард һумдан ашыу аҡса бүләсәк

фото: Олег Яровиков

ӨФӨ, 2015 йыл, 31 декабрь. /«Башинформ» мәғлүмәт агентлығы, Арина Рәхимҡолова/. 2016 йылда «Башнефть» компанияһы «Салауат Юлаев» хоккей клубына 2 миллиард 157 миллион 861,280 мең һум күләмендә аҡса бүләсәк, тип хәбәр итә ТАСС. Дәүләт һатып алыуҙары сайтында Өфө клубына аҡса бүлеү өсөн ғариза урынлаштырылған.

Иҫегеҙгә төшөрәбеҙ, 2015 йылдың мартынан «Башнефть» «Салауат Юлаев» командаһының генераль бағыусыһы булып сығыш яһай. Континенталь хоккей лигаһының даими чемпионатында «Салауат Юлаев» 76 мәрәй йыйып, Көнсығыш конференцияһында бишенсе урын биләй.