Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36 ↑

EUR 69.71 ↓

19 август, Шәмбе

Уфа   °

Өфөлә Әхмәтзәки Вәлидиҙең «Бөгөнгө төркиле Төркөстан һәм яҡын тарихы» китабының икенсе бүлеге донъя күрҙе

Мәҙәниәт

ӨФӨ, 2015 йыл, 30 декабрь. /«Башинформ» мәғлүмәт агентлығы, Ләйлә Аралбаева/.

Өфөләге «Китап» нәшриәтендә Әхмәтзәки Вәлидиҙең «Бөгөнгө төркиле Төркөстан һәм яҡын тарихы» исемле китабының икенсе бүлеге донъя күрҙе. Китапта Төньяҡ-көнбайыш Төркөстандың халҡы, географик урыны, тарихы тураһында мәғлүмәт тупланған.

Икенсе бүлектә Төркөстандың тарихы хаҡында һүҙ бара. Бында уның төп халҡы, Төркөстандың туран һәм башҡа мәҙәниәттәр менән бәйләнеше, төрөктәр һәм ислам, ҡарахан, монгол походтары, шулай уҡ Тимербәк осоро хаҡында бәйән ителә. Шул осорҙағы сәйәси ваҡиғаларға ҙур урын бирелә. Тарихсы-ғалим Рәсәйҙең 16-18 быуаттарҙан алып 20 быуатҡа тиклемге колониаль сәйәсәтен, башҡорт, ҡаҙаҡ, үзбәк һәм башҡа Төркөстан халыҡтарының милли-азатлыҡ ихтилалдарын һүрәтләй. Автор 1917 йылғы революциянан һуңғы ваҡиғаларҙы, милли-азатлыҡ хәрәкәтен, шул иҫәптән Башҡортостанда һәм Төркөстанда барған ваҡиғаларҙы төплө яҡтырта. Китап башҡорт телендә баҫылған һәм киң ҡатлам уҡыусыларға тәғәйенләнгән.

Китап продукцияһын «Китап» нәшриәтенең фирма магазинында һатып алырға мөмкин. Адресы: Октябрь проспекты, 2.

Яндекс цитирования
Рейтинг ресурсов "УралWeb"
закрыть