Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.42

EUR 61.86

26 март, Йәкшәмбе

Уфа   °

Өфөлә Рәсимә Ураҡсинаның «Тыуған ерем — торған ерем» исемле китабы Брайль шрифты менән баҫылды

Мәҙәниәт

ӨФӨ, 2015 йыл, 29 декабрь. /«Башинформ» мәғлүмәт агентлығы, Ләйлә Аралбаева/.

Республиканың һуҡырҙар өсөн махсус китапханаһында балалар шағирәһе, драматург, фольклорсы, тәржемәсе һәм Башҡортостандың атҡаҙанған уҡытыусыһы, Башҡортостан Яҙыусылар союзы ағзаһы, филология фәндәре кандидаты Рәсимә Ураҡсинаның «Тыуған ерем — торған ерем» исемле китабы донъя күрҙе.

Китап ике форматта — Брайль шрифты менән һәм электрон вариантта башҡорт һәм рус телдәрендә баҫылған. Баҫма «Башҡортостан Республикаһында Рәсәй милләтенең берҙәмлеген нығытыу һәм халыҡтарҙың этномәҙәни үҫеше» дәүләт программаһы сиктәрендә ғәмәлгә ашырылған.

Рәсимә Ураҡсина балалар яҙыусыһы, популяр шиғри китаптар авторы булараҡ танылыу яуланы. Уның шиғырҙары башҡорт фольклоры мотивтарына яҡын. Шиғырҙарына балалар өсөн бик күп йырҙар ижад ителгән. Рәсимә Ураҡсинаның пьесалары республика театрҙарында ҡуйылған. Өҫтәүенә ул ғалим һәм уҡытыусы булды, оҙаҡ йылдар башҡорт балалар фольклорын йыйҙы һәм өйрәнде.

Рәсимә Ураҡсинаның «Тыуған ерем — торған ерем» исемле йыйынтығына башҡорт һәм рус телдәрендә шиғырҙар, хикәйә һәм пьесалар тупланған.

Яндекс цитирования
Рейтинг ресурсов "УралWeb" -->
закрыть