Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89

EUR 69.42

18 декабрь, Дүшәмбе

Уфа   °

Рөстәм Хәмитов «Берҙәм Рәсәй» партияһының төбәк бүлексәһе конференцияһында сығыш яһаны

Сәйәсәт

ӨФӨ, 2015 йыл, 28 декабрь. /«Башинформ» мәғлүмәт агентлығы, Александр Смирнов/.

25 декабрҙә республика Дәүләт Йыйылышы – Ҡоролтай йортонда «Берҙәм Рәсәй» сәйәси партияһының төбәк бүлексәһе конференцияһы булды. Унда Башҡортостан Башлығы Рөстәм Хәмитов сығыш яһаны.

– Республикала 86 меңдән ашыу кеше «Берҙәм Рәсәй» партияһы ағзаһы булып тора. Был, ысынлап та, ҡеүәтле көс, бик күпте эшләргә мөмкин, – тине республика етәксеһе. – Бөгөн йәмғиәтте туплауға, ҡуйылған бурыстарҙы үтәү өсөн кешеләрҙе йәлеп итеүгә бәйле мәсьәләләрҙе хәл итергә кәрәк. Ошо йәһәттән Башҡортостанда «Берҙәм Рәсәй» партияһы ҙур эш алып бара.

Рөстәм Хәмитов үҙ сығышында республиканың 2015 йылдағы социаль-иҡтисади үҫешенең төп йомғаҡтары менән таныштырҙы һәм партияның төбәк бүлексәһе алдында торған мөһим мәсьәләләрҙе билдәләне.

– Халыҡ менән аралашырға, уларҙы ышандырырға, осрашырға кәрәк. Мин үҙем дә осрашам. Ошо осрашыуҙарҙан һуң дөрөҫлөктө беләһең. Бик күп идеялар, тәҡдимдәр бар, әммә, нигеҙҙә, өмөттәрен юғалтҡан кешеләр килә, – тип билдәләне Башҡортостан Башлығы. – Кешеләр менән аралашыу – минең өсөн тәүге мәғлүмәт сығанағы. Гәзит тә, интернет та түгел, ә ябай кешенең фекере. Эшемде лә шулай ҡорорға тырышам.

Конференция сиктәрендә Партия проекттары форумы майҙансыҡтары вәкилдәре лә сығыш яһаны, улар «Реаль эштәр», «Рәсәй экологияһы», «Йәшәү сифаты (Сәләмәтлек)», «Йорт менән идара итеү» һәм «Сәйәси лидерҙар мәктәбе» проекттарын ғәмәлгә ашырыу хаҡында һөйләне.

– Был беҙҙең өсөн мөһим, ҡыҙыҡлы, кәрәкле эшмәкәрлек йүнәлештәре, – тип һыҙыҡ өҫтөнә алды Рөстәм Хәмитов. – Бер үк ваҡытта шуны әйткем килә: был – оло эштең башы, сөнки оҙаҡ ваҡыт ошо йүнәлештә бушлыҡ булды.

Республика Башлығы конференция делегаттарын етеп килгән байрамдар менән ҡотланы һәм киләсәккә оптимизм менән ҡарауҙарын теләне.

– Оптимизм – тормошобоҙҙоң иң мөһим өлөшө. Бөгөнгө проблемалар илебеҙ кисергән ауырлыҡтарҙың иң ҡатмарлыһы түгел, – тине төбәк етәксеһе. – Төшөнкөлөккә бирелергә ярамай, киләсәккә позитив ҡараш менән эшләү зарур. Алда беҙҙе етди эш көтә, ул кешеләр өсөн генә түгел, үҙебеҙ өсөн дә мөһим. Беҙ бер-беребеҙгә ярҙам итергә, йәшәү сифатын арттырырға, халыҡтың етеш тормошон тәьмин итергә тейеш. Бөгөн был еңелдән булмаһа ла.

Башҡортостан Башлығы 2016 йылда Дәүләт Думаһына һайлауҙар ғәҙел һәм асыҡ булырға тейешлеген дә билдәләне.

Яндекс цитирования
Рейтинг ресурсов "УралWeb"
закрыть