Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

20 август, Йәкшәмбе

Уфа   °

Рөстәм Хәмитов: «2015 йылда республика бөтә йүнәлештәр буйынса үҙен лайыҡлы күрһәтте»

Сәйәсәт

ӨФӨ, 2015 йыл, 24 декабрь. /«Башинформ» мәғлүмәт агентлығы, Александр Смирнов/.

2015 йылда республика яҡшы макроиҡтисади күрһәткестәргә өлгәште. Был хаҡта Башҡортостан Башлығы Рөстәм Хәмитов Рәсәй Дәүләт советы ултырышы йомғаҡтары буйынса журналистар менән аралашыуҙа белдерҙе.

– Йыл йомғаҡтарына килгәндә, социаль тотороҡлоҡ, халыҡтың килеме беҙҙең өсөн иң мөһим күрһәткес булып тора. Беҙ һәйбәт һәм ҡайһы бер йүнәлештәр буйынса лайыҡлы макроиҡтисади күрһәткестәр хаҡында һөйләй алабыҙ, – тине республика етәксеһе. – Әммә микрокүрһәткестәр араһында 2016 йылда хәлдең яҡшырыуын талап иткән позициялар ҙа бар. Был халыҡтың хеҙмәт хаҡын, килемен арттырыуға ҡағыла.

Рөстәм Хәмитов һүҙҙәренсә, был глобаль иҡтисади проблемаларға һәм Рәсәйгә ҡарата санкцияларға бәйле. Республика Башлығы 2016 йылда ошо йүнәлеште үҙгәртеп буласағына ышаныс белдерҙе.

Төбәк етәксеһе «Башнефть» компанияһы акциялары пакетын республикаға тапшырыуҙы, шулай уҡ Башҡортостанда ҙур саралар һәм форумдар, шул иҫәптән ШОС һәм БРИКС саммиттарын үткәреүҙе лә билдәләп үтте.

– Беҙ ошо йүнәлештәге эшмәкәрлегебеҙҙе дауам итәсәкбеҙ. 2016, 2017 һәм унан алдағы йылдарҙа ҙур саралар уҙғарыу ҡаралған. Быларҙың барыһы ла республиканың имиджын, инвестициялар йәлеп итеү өсөн яңы мөмкинлектәр булдыра, – тип билдәләне Рөстәм Хәмитов. – Дөйөм алғанда, быйыл республика сәнәғәт етештереүе, капитал һалыуҙы арттырыу, һалым һалыу базаһын киңәйтеү, яңы предприятиелар асыу буйынса үҙен лайыҡлы күрһәтте.Ҡалаларыбыҙ, ауылдарыбыҙ яҡшы яҡҡа үҙгәрә. Әммә башҡараһы эштәребеҙ байтаҡ.

Яндекс цитирования
Рейтинг ресурсов "УралWeb"
закрыть