4 декабрь, Йәкшәмбе

23 декабрь 2015 йыл, 16:36

Рәсәй банкы Ҡырым һәм Севастополь хөрмәтенә йөҙ һумлыҡ аҡса сығарҙы

фото: Рәсәй банкының матбуғат хеҙмәте

ӨФӨ, 2015 йыл, 23 декабрь. /«Башинформ» мәғлүмәт агентлығы, Ксения Калинина/. 23 декабрҙә Рәсәй банкы Ҡырымға һәм Севастополгә арналған йөҙ һумлыҡ иҫтәлекле аҡса сығарҙы. Тиражы 20 миллион дана тәшкил иткән. Уның бер яғында — Ҡарлуғас ояһы, икенсеһендә Севастополь бухтаһында батҡан кораблдәргә һәйкәл — рәссам И.К.Айвазовскийҙың «Севастополь рейдында рус эскадраһы» картинаһынан фрагмент төшөрөлгән.

Үҙәк банктың матбуғат хеҙмәте хәбәр итеүенсә, һарай һүрәте аҫтында банктың сайтына һылтанма менән QR-код бирелгән, унда иҫтәлекле аҡса тураһында тарихи белешмә алырға мөмкин.