4 декабрь, Йәкшәмбе

16 декабрь 2015 йыл, 17:49

Хәҙер башҡорт ризыҡтарын — туҡмас менән гөбәҙиәне Берлинда ла ашайҙар

фото: Restoranoff.ru сайтынан һәм Андрей Старостин

ӨФӨ, 2015 йыл, 16 декабрь. /«Башинформ» мәғлүмәт агентлығы, Олеся Серёгина/. Быйыл Өфө эшҡыуары Рәсимә Мусина Берлинда үҙенең «Пышка» кулинария селтәрен асты. Сит илдәге тәүге башҡорт милли ризыҡтары магазины үҙәк урамдарҙың береһендә урынлашҡан, тип хәбәр итә Restoranoff.ru порталы.

Берлиндағы бинаның тышҡы йөҙө Өфөләге «Пышка» магазиндарынан айырыла. Уны билдәле AD MODUM бюроһы биҙәгән.

Менюла Өфө кулинарҙарының хиттары бар: Tukmatsch, Pelmeni, Wareniki, Kurnik, Gubadia, Beljaschi, Tschebureki и Kompott.

«Пышка» компаниялар төркөмө Өфөлә 1999 йылда барлыҡҡа килде. Әлеге ваҡытта Рәсәйҙә 20 корпоратив нөктә һәм 70-е франшиза буйынса эшләй.